سعودی عرب پر ہونیوالا حملہ ناکام

سعودی عرب پر ہونیوالا حملہ ناکام

سعودی عرب پر ہونیوالا حملہ ناکام 20 جون 2018 (19:56) 7:56 PM, June 20, 2018

سعودی عرب کی فضائی دفاعی فورسز نے یمن سے حوثی باغیوں کے جنوبی شہرخمیس مشیط کی جانب داغے گئے ایک بیلسٹک میزائل کو فضا ہی میں تباہ کردیا ہے۔

قبل ازیں سعودی عرب کی فضائی دفاعی فورسز نے جمعرات کو یمن سے حوثی شیعہ باغیوں کے جنوبی شہر خمیس مشیط کی جانب داغے گئے ایک بیلسٹک میزائل کو فضا ہی میں ناکارہ بنا دیا ہے۔قبل ازیں سعودی عرب کی فضائی دفاعی فورسز نے اتوار کو یمن سے حوثی باغیوں کے سرحدی شہر جازان کی جانب داغے گئے ایک میزائل کو فضا ہی میں ناکارہ بنا دیا تھا۔حوثی باغیوں کا دو روز میں جازان کی جانب یہ دوسرا میزائل حملہ ہے۔ گذشتہ روز اس شہر پر یمن سے چھوڑا گیا ایک میزائل گرنے سے تین شہری شہید ہوگئے تھے۔یاد رہیکہ اس سے قبل حوثیوں کی جانب سے سعودی عرب کے سرحدی شہر جازان پر گولہ باری کی گئی تھی جس کے نتیجے میں کم سے کم تین شہری جاں بحق ہوگیئے تھے۔ عرب اتحادی فوج کے ترجمان کرنل ترکی المالکی نے بتایا کہ حوثی شدت پسندوں نے دن دو بج کر پچپن منٹ پر جازان شہر پرگولہ باری جس کے نتیجے میں تین شہری شہید اور متعدد گھروں کو نقصان پہنچا۔انہوں نے بتایا کہ شہری دفاع کے حکام کو سرحد پار سے حوثیوں کی گولہ باری سے متعدد گھروں کو نقصان پہنچنے کی اطلاع دی گئی۔حوثی ملیشیا کی جانب سے سعودی عرب کی شہری آبادی کو مسلسل نشانہ بنایا جارہا ہے۔ ایران کی سرپرستی میں کام کرنے والی حوثی ملیشیا عالمی قوانین کے علاوہ اقوام متحدہ کے چارٹر کی کھلی خلاف ورزی کررہی ہے۔

متعلقہ خبریں