رلا دینے والی نعت شریف‎

رلا دینے والی نعت شریف‎

رلا دینے والی نعت شریف‎ 18 جون 2018 (20:21) 8:21 PM, June 18, 2018

کسی غمگسار(صلی اللہ علیہ وسلم ) کی محنتوں کا یہ خوب میں نے صلہ دیا​

کہ جو(صلی اللہ علیہ وسلم ) میرے غم میں گھلا کیا اسے میں نے دل سے بھلا دیا​

جو(صلی اللہ علیہ وسلم ) جمال روئے حیات تھا، جو(صلی اللہ علیہ وسلم )دلیل راہ نجات تھا​

اسی راہبر(صلی اللہ علیہ وسلم ) کے نقوش پا کو ، مسافروں نے مٹا دیا​

میں تیرے (صلی اللہ علیہ وسلم ) مزار کی جالیوں ہی کی مدحتوں میں مگن رہا​

تیرے(صلی اللہ علیہ وسلم ) دشمنوں نے تیرے(صلی اللہ علیہ وسلم ) چمن میں خزاں کا جال بچھا دیا​

تیرے(صلی اللہ علیہ وسلم ) حسن خلق کی اک رمق میری زندگی میں نہ مل سکی​

میں اسی میں خوش ہوں کہ شہر کے دروبام کو تو سجا دیا​

تیرے(صلی اللہ علیہ وسلم ) ثور و بدر کے باب کے میں ورق الٹ کے گزر گیا​

مجھے صرف تیری(صلی اللہ علیہ وسلم ) حکایتوں کی روایتوں نے مزا دیا​

کبھی اے عنایت کم نظر! تیرے دل میں یہ بھی کسک ہوئی​

جو(صلی اللہ علیہ وسلم ) تبسم رخ زیست تھا اسے(صلی اللہ علیہ وسلم )تیرے غم نے رلا دیا

متعلقہ خبریں