مصر کے مفتی اعظم نے سعودی عرب کی حکومت کی جانب سے حجاج کرام کو فریضہ حج کی ادائی کے لیے تمام سہولیات فراہم کرنے پر خراج تحسین پیش

مصر کے مفتی اعظم نے سعودی عرب کی حکومت کی جانب سے حجاج کرام کو فریضہ حج کی ادائی کے لیے تمام سہولیات فراہم کرنے پر خراج تحسین پیش

مصر کے مفتی اعظم نے سعودی عرب کی حکومت کی جانب سے حجاج کرام کو فریضہ حج کی ... 17 اگست 2018 (12:51) 12:51 PM, August 17, 2018

مصر کے مفتی اعظم ڈاکٹر شوقی علام نے سعودی عرب کی حکومت کی جانب سے حجاج کرام کو فریضہ حج کی ادائی کے لیے تمام سہولیات فراہم کرنے پر خراج تحسین پیش کیا ہے۔ ان کا کہنا ہے کہ سعودی حکومت عازمین حج کی آسانی اور سہولت کے لیے غیرمعمولی اور قابل قدر خدمات انجام دے رہی ہے۔

مکہ معظمہ میں خادم الحرمین الشریفین کی زیرنگرای ہونے والے 43 ویں حج فورم سے خطاب میں انہوں نے کہا کہ خادم الحرمین کی سرپرستی اور زائرین کعبہ کی خدمت کی گراں قدر مساعی پر ہم سعودی حکومت کے شکر گذار ہیں۔ سعودی عرب کی حکومت نے صدیوں سے چلے آرہے فریضہ حج کی سرپرستی کرتے ہوئے اللہ کے مہمانوں کے لیے ہرسہولت مہیا کی ہے۔ پوری مسلم امہ سعودی عرب کی حجاج کرام کے لیے خدمات کا اعتراف کرتے ہوئے سعودی عرب کو خراج تحسین پیش کرتی ہے۔ان کا کہنا تھا کہ حجاج کرام کی خدمت کےحوالے سے سخاوت اور ہمدردی کی جو روایت شاہ عبدالعزیز بن سعود کی طرف سے ڈالی گئی تھی موجودہ حکومت اس کی امین ہے۔ مصر کے مفتی اعظم کا کہنا تھا کہ سعودی عرب کی حجاج کرام کے لیے خدمات کسی سے ڈھکی چھپی بات نہیں اور مصر سعودیہ کی مساعی کو ہمیشہ قدر کی نگاہ سے دیکھتا ہے۔ سعودی حکومت نے نہ صرف حجاز آنے والے زائرین بیت اللہ کے لیے ہرممکن سہولت مہیا کی بلکہ تمام مشاعر مقدسہ، کہ معظمہ، مدینہ منورہ، بحری، بری اور فضائی راستوں پربھی انہیں ہرممکن سہولت مہیا کی۔ مفتی شوقی علام کا کہنا تھا کہ سعودی عرب نے عازمین حج اور معتمرین کی ہرممکن سہولت اور آسانی کے لیے بنیادی ڈھانچے کو اس انداز میں ترتیب دیا ہے جس کے نتیجے میں حکام کو فریضہ حج کی ادائی کے دوران اپنی ذمہ داریوں کی انجام دہی میں سہولت اور عازمین حج وعمرہ کو مناسک کی ادائی میں آسانی فراہم گئی ہے۔انہوں نے سعودی عرب کی طرف سے عازمین حج کے لیے جدید ترین طبی سہولیات کی فراہمی کا بھی ذکر کیا اور کہا کہ ریاض نے حجاج کرام کی سہولت اور انہیں ہر ممکن راحت پہنچانے کے لیے قابل ستائش اقدامات کیے ہیں۔

متعلقہ خبریں