
پر وین شا کر: میں پھول چنتی رہی اور مجھے خبر نہ ہوئی ......وہ شخص آ کے مرے شہر سے چلا بھی گیا
08 جون 2018 (12:07)چراغ راہ بجھا کیا کہ رہ نما بھی گیا
ضرور پڑھیں: بیگم کلثوم نواز انتقال کرگئیں
ہوا کے ساتھ مسافر کا نقش پا بھی گیا
میں پھول چنتی رہی اور مجھے خبر نہ ہوئی
وہ شخص آ کے مرے شہر سے چلا بھی گیا
بہت عزیز سہی اس کو میری دل داری
ضرور پڑھیں: ڈاکٹر عارف علوی کا تعارف
مگر یہ ہے کہ کبھی دل مرا دکھا بھی گیا
اب ان دریچوں پہ گہرے دبیز پردے ہیں
وہ تانک جھانک کا معصوم سلسلہ بھی گیا
سب آئے میری عیادت کو وہ بھی آیا تھا
جو سب گئے تو مرا درد آشنا بھی گیا
یہ غربتیں مری آنکھوں میں کیسی اتری ہیں
کہ خواب بھی مرے رخصت ہیں رتجگا بھی گیا