پاکستان کی جیلوں میں کتنی خواتین قید ہیں؟ خواتین کی جیلوں کی ابتر صورتِ حال سے متعلق مقدمے کے دوران چیف جسٹس ثاقب نثار برھم

پاکستان کی جیلوں میں کتنی خواتین قید ہیں؟ خواتین کی جیلوں کی ابتر صورتِ حال سے متعلق مقدمے کے دوران چیف جسٹس ثاقب نثار برھم

پاکستان کی جیلوں میں کتنی خواتین قید ہیں؟ خواتین کی جیلوں کی ابتر صورتِ حال ... 04 جولائی 2018 (13:08) 1:08 PM, July 04, 2018

سپریم کورٹ میں خواتین کی جیلوں کی ابتر صورتِ حال سے متعلق مقدمے کے دوران چیف جسٹس ثاقب نثار نے ریمارکس دیے ہیں کہ جیلوں میں جرائم پیشہ افراد کے ساتھ خواتین کا رہنا نامناسب ہے۔

ضرور پڑھیں:کلثوم نواز کیحوالے سے سب سے بڑی خوشخبری آ گئی

ضرور پڑھیں:کرپشن کی کمر توڑنے کا وقت قریب ہے، منی ٹریل کے بارے میں نواز شریف جانتے تک نہیں۔قطری خط کے علاوہ شریف فیملی کچھ پیش نہیں کرسکی۔شیخ رشید

سپریم کورٹ نے وفاقی محتسب کی جیلوں کی حالتِ زار بہتر بنانے سے متعلق رپورٹ پر تمام صوبوں سے جواب طلب کرلیا ہے۔ چیف جسٹس کی سربراہی میں تین رکنی بینچ نے منگل کو خواتین کی جیلوں کی صورتِ حال سے متعلق کیس کی سماعت کی ۔دورانِ سماعت وفاقی محتسب کے نمائندے نے عدالت کو آگاہ کیا کہ پاکستان میں 98 جیلیں ہیں جن میں 56 ہزار سے زائد قیدیوں کی گنجائش ہے۔ لیکن ان جیلوں میں 78 ہزار 160 قیدی موجود ہیں۔نمائندہ محتسب نے عدالت کو آگاہ کیا کہ ان جیلوں میں سزا یافتہ قیدیوں کی تعداد 29 ہزار 195 ہے اور 48 ہزار 780 قیدیوں کے مقدمات مختلف عدالتوں میں چل رہے ہیں۔نمائندے نے بتایا کہ 1955 خواتین بھی جیلوں میں قید ہیں جب کہ کم عمر قیدیوں کی تعداد 1255 ہے۔دورانِ سماعت چیف جسٹس ثاقب نثار نے ریمارکس دیے کہ جیلوں میں جرائم پیشہ افراد کے ساتھ خواتین کا رہنا نامناسب ہے۔ میں نے جیل میں دیکھا کہ بچیاں بھی رہ رہی ہیں۔ منشیات کی عادی خواتین بھی جیلوں میں بچوں کے ساتھ رہ رہی ہیں۔ کیا ایسے ماحول میں ان بچوں کو رکھا جاسکتا ہے؟ ایسے معاملات میں حکومت نےکیا کیا ہے؟ چیف جسٹس نے کہا کہ اسلام آباد میں جیل بنانے کے لیے کوئی اقدامات نہیں کیے گئے۔ کراچی جیل میں تین ہزار قیدیوں کی گنجائش ہے اور وہاں 16 ہزار قیدی موجود ہیں۔ اڈیالہ جیل میں بھی قیدی زیادہ ہیں۔ وفاقی محتسب کی رپورٹ پر کسی کو اعتراض ہے تو آگاہ کرے۔ چیف جسٹس نے کہا کہ صوبے وفاقی محتسب کی رپورٹ پر عمل درآمد کرائیں۔ اگر عمل درآمد نہیں کراتے تو ہم وفاقی محتسب کو کہتے ہیں۔عدالت نے جیل اصلاحات سے متعلق وفاقی محتسب کی رپورٹ پر صوبائی حکومتوں سے چار روز میں جواب طلب کرلیا ہے۔عدالت نے آئندہ سماعت پر صوبائی سیکریٹریز داخلہ اور آئی جی جیل خانہ جات کو ذاتی طور پر پیش ہونے کا حکم جاری کرتے ہوئے سماعت 11 جولائی تک ملتوی کردی ہے۔

ضرور پڑھیں:اہم خبر آ گئی،پی ٹی آئی کے دفتر پر بم حملہ

ضرور پڑھیں:نواب اکبر بگٹی کے پوتے نواب میر عالی بگٹی کو رواں ماہ 25 جو لائی کو ہونے والے عام انتخابات کےلئے اہل قرار

متعلقہ خبریں